దోహా: రిసార్ట్స్ వరల్డ్ వన్ క్రూయిజ్ షిప్ రాకతో ఖతార్ టూరిజం 2024/2025 క్రూయిజ్ సీజన్‌ను ప్రారంభించింది. 33 టర్న్‌అరౌండ్ కాల్‌లు, 11 హోమ్‌పోర్టింగ్ కాల్‌లు, 4 తొలి కాల్‌లతో సహా 95 క్రూయిజ్ కాల్‌లతో ఈ సీజన్ ఖతార్‌లో అతిపెద్దది.రిసార్ట్స్ వరల్డ్ వన్ సీజన్‌లో మొదటి తొలి కాల్‌గా గుర్తింపు పొందింది. ఇది మొత్తం 72,000 మంది సందర్శకులతో 23 షెడ్యూల్డ్ సందర్శనలను చేస్తుందని భావిస్తున్నారు. నవంబర్ 2024 - ఏప్రిల్ 2025 మధ్య 430,000 కంటే ఎక్కువ మంది ప్రయాణీకులు వచ్చే అవకాశం ఉందని మార్కెట్ నిపుణులు తెలిపారు. 2023/2024 క్రూయిజ్ సీజన్ లో 73 క్రూయిజ్ షిప్‌లు, 347,000 మంది సందర్శకులు వచ్చారని ఖతార్ టూరిజం చైర్మన్ హెచ్ ఇ సాద్ బిన్ అలీ అల్ ఖర్జీ తెలిపారు. “మా జాతీయ పర్యాటక వ్యూహం 2030ని సాధించడంలో ఖతార్ క్రూయిజ్ సెక్టార్ వృద్ధి కీలకం. 2024/2025 సీజన్‌లో క్రూయిజ్ కాల్స్ 30% పెరుగుతాయని అంచనా. మునుపటి సీజన్‌తో పోలిస్తే సందర్శకుల పెరుగుదల, క్రూయిజ్‌కు పెరుగుతున్న డిమాండ్‌ను ప్రతిబింబిస్తుంది. అధిక ప్రొఫైల్ క్రూయిజ్ లైన్ల సంఖ్యతో.. ఖతార్ ప్రపంచవ్యాప్తంగా క్రూయిజ్ ప్రయాణికులకు ప్రముఖ గమ్యస్థానంగా కొనసాగుతోంది.’’ అని అల్ ఖర్జీ పేర్కొన్నారు.