మస్కట్: 54వ గ్లోరియస్ నేషనల్ డే సందర్భంగా హిజ్ మెజెస్టి సుల్తాన్ హైతం బిన్ తారిక్ కు వివిధ అరబ్, విదేశీ దేశాల నుండి రాజులు, నాయకులు, రాష్ట్రాధిపతులు, సంస్థలు, సీనియర్ అధికారులు శుభాకాంక్షలు తెలియజేశారు. అన్ని రంగాల్లో ఒమన్ మరింత పురోగతి సాధించాలని ఆకాంక్షించారు.   అలాగే రాజకుటుంబ సభ్యులు, మంత్రులు, సుల్తాన్ సాయుధ దళాల (SAF), రాయల్ ఒమన్ పోలీస్ (ROP) కమాండర్లు, ఇతర భద్రతా విభాగాలు, స్టేట్ కౌన్సిల్ మరియు షురా కౌన్సిల్ సభ్యుల నుండి కూడా అతని మెజెస్టి శుభాకాంక్షలు అందుకున్నారు.