ఈ వారంతంలో సూర్యతాపంతో విలవిల్లాడిపోవాల్సి రావొచ్చు. ఉష్ణోగ్రతలు 50 డిగ్రీల సెంటీగ్రేడ్‌ వరకు నమోదు కానున్నాయి. యూఏఏఈ నేషనల్‌ సెంటర్‌ ఫర్‌ మిటియరాలజీ అండ్‌ సెస్మాలజీ (ఎన్‌సిఎంఎస్‌) ఈ మేరకు వివరాలువ వెల్లడించింది. అయితే ఒమన్‌ వెళ్ళే వారు తమతోపాటు అంబ్రెల్లా తీసుకెళ్ళడం మంచిదనీ, అక్కడ కొంచెం వర్షాలు కురిసే అవకాశం ఉందని ఎన్‌సిఎంఎస్‌ వెల్లడించింది. ఓ మోస్తరుగా వేడి గాలులు వీచే అవకాశం యూఏఈలో ఉందని, తగిన జాగ్రత్తలు తీసుకోవాలని ప్రజలకు సూచించింది. కోస్టల్‌ ప్రాంతాల్లో 44 డిగ్రీలు, మిగతా చోట్ల 49 డిగ్రీల వరకు ఉష్ణోగ్రతలు నమోదవుతున్నాయి. ఇవి ఇంకా పెరిగే అవకాశం ఉంది. ఒమన్‌లోని సలాహ్‌ మరియు దోఫార్‌లో వర్షాలు పడే అవకాశాలున్నాయి. ఒమన్‌ మెటియరాలజీ ఈ వివరాల్ని ట్విట్టర్‌ అక్కౌంట్‌ ద్వారా వెల్లడించింది.