కువైట్‌, ఎలక్టోరల్‌ చట్టానికి కొత్త సవరణ చేసింది. ఈ చట్ట సవరణతో ఎమిర్‌ని అవమానించేలా వ్యాఖ్యానించేవారికి ఎన్నికల్లో పోటీ చేసే అర్హత ఉండదు. బుధవారం పార్లమెంటు ఈ చట్ట సవరణను ఆమోదించింది. గాడ్‌, ప్రొఫెట్స్‌, ఎమిర్‌ తదితరుల్ని అవమానించేలా వ్యాఖ్యానించేవారికి ఎన్నికల్లో పోటీ చేసే అర్హత లేకుండా ఎలక్టోరల్‌ చట్టానికి సవరణ తీసుకువచ్చారు. ఈ సవరణ ద్వారా మాజీ ఎంపి ముసల్లమ్‌ అల్‌ బర్రాక్‌కి ఎన్నికల్లో పోటీ చేసే అర్హత ఉండదు. 2012లో ఆయన చేసిన వివాదాస్పద వ్యాఖ్యలకుగాను జైలుపాలయ్యారు. కువైట్‌, సహచర దేశాలతో పోల్చితే వాక్‌ స్వాతంత్రాన్ని బాగానే కల్పించినా, రాజ్యాంగం ప్రకారం ఎమిర్‌కి ప్రత్యేక గౌరవాలున్న దృష్ట్యా ఈ నిర్ణయం తీసుకున్నారు. ఎమిర్‌ని అవమానించేవారికి ఐదేళ్ళ వరకు జైలు శిక్ష తప్పదు.