దుబాయ్:  దుబాయ్ తన అత్యంత ప్రజాదరణ పొందిన మూడు-రోజుల సూపర్ సేల్ (3DSS)ని ఈ సంవత్సరం తొలిసారిగా పొడిగిస్తున్నట్లు ప్రకటించింది. ఇది నవంబర్ 29న ప్రారంభమై, డిసెంబర్ 2 వరకు నాలుగు రోజుల పాటు కొనసాగనుంది.  దుబాయ్ అంతటా 3వేల కంటే ఎక్కువ స్టోర్లు, 500 బ్రాండ్‌లలో మెగా డీల్‌లతోపాటు 90 శాతం వరకు డిస్కౌంట్ ఆఫర్లు అందుబాటులోకి రానున్నాయి.

దుబాయ్ ఫెస్టివల్స్ అండ్ రిటైల్ ఎస్టాబ్లిష్‌మెంట్ (DFRE) ద్వారా నిర్వహిస్తున్న ఈ సూపర్ సేల్‌లో ఫ్యాషన్,  ఫుట్ వేర్, యాక్సెసరీస్, బ్యూటీ, వెల్నెస్, హోమ్ అండ్ కిచెన్ ఇలా అనేక రకాల వస్తువులను తక్కవ ధరకే కొనుగోలు చేయవచ్చు.

ఎక్కడ షాపింగ్ చేయాలంటే?

దుబాయ్‌లోని ప్రముఖ షాపింగ్ మాల్స్, రిటైల్ స్టోర్లలో ఆఫర్లు అందుబాటుల్లో ఉన్నాయి. 

అల్ ఖవానీజ్ వాక్,  బర్జుమాన్, సిటీ సెంటర్ అల్ షిందాఘ, సిటీ సెంటర్ డీరా, సిటీ సెంటర్ మ్యూజియం, సిటీ సెంటర్ మిర్డిఫ్, సర్కిల్ మాల్, సిటీ వాక్, దుబాయ్ ఫెస్టివల్ సిటీ మాల్, ఇబ్న్ బటూటా, మాల్ ఆఫ్ ఎమిరేట్స్, మార్కెట్, నఖీల్ మాల్, ఒయాసిస్ సెంటర్, బీచ్ JBR

అవుట్‌లెట్ విలేజ్, వఫీ  మాల్స్‌లో సూపర్ సేల్ అందుబాటులో ఉంటుంది.  ఇక ఆన్‌లైన్‌లో కూడా అనేక ఆఫర్లు అందుబాటులో ఉన్నాయి. బ్లాక్ ఫ్రైడే సేల్ (లేదా వైట్, ఎల్లో, రెడ్, బ్లూ ఫ్రైడే) కూడా జరుగుతున్నందున మీరు షాపింగ్ డీల్‌లను అందుకోవచ్చు.