యూఏఈ: షార్జాలో ఖైదీల విడుదలకు సంబంధించి కొత్త నిబంధనలను ప్రకటించారు. ఎమిరేట్స్ ఎగ్జిక్యూటివ్ కౌన్సిల్ జారీ చేసిన కొత్త నిబంధనల ప్రకారం.. షార్జాలోని ఖైదీలను షరతులతో విడుదల మంజూరు చేయబడవచ్చు. ఖైదీ తన శిక్షలో మూడొంతుల కాలం తర్వాత పెరోల్‌పై విడుదల చేయవచ్చని పేర్కొంది. యావజ్జీవ కారాగార శిక్ష పడిన వారు కనీసం 20 ఏళ్ల జైలు శిక్ష అనుభవించి ఉంటే షరతులతో కూడిన విడుదలను మంజూరు చేయవచ్చు. అయితే, ఖైదీల విడుదలపై షార్జా పోలీస్ కమాండర్-ఇన్-చీఫ్ తుది నిర్ణయం తీసుకోవాల్సి ఉంటుంది. ఆ తర్వాత ఎమిరేట్ పబ్లిక్ ప్రాసిక్యూషన్‌కు తెలియజేసి, వారి నిర్ణయం ఆధారంగా ఖైదీలను విడుదల చేస్తారు.