రియాద్:  గ్లోబల్ లేబర్ మార్కెట్ కాన్ఫరెన్స్ (GLMC) విడుదల చేసిన ప్రారంభ వార్షిక నివేదిక ప్రకారం.. సౌదీ అరేబియా లేబర్-మార్కెట్ సవాళ్లను ఎదుర్కోవడంలో, నైపుణ్యం పెంపుదల ప్రయత్నాలకు, అర్హతకు మద్దతు ఇవ్వడంలో అద్భుతంగా ఉంది. మొదటి GLMC సమావేశాన్ని మానవ వనరులు,  సామాజిక అభివృద్ధి మంత్రిత్వ శాఖ గత ఏడాది చివర్లో నిర్వహించింది. రెండవ వార్షిక సమావేశం జనవరి 29-30, 2025 తేదీలలో రియాద్‌లో జరుగుతుంది. ఇందులో ప్రపంచవ్యాప్తంగా 5,000 మంది పాల్గొంటున్నారు. ఇందులో 40 దేశాల నుండి కార్మిక మంత్రులు, చీఫ్ ఎగ్జిక్యూటివ్‌లు, అంతర్జాతీయ నిపుణులు, 200 కంటే ఎక్కువ మంది ప్రముఖ వక్తలు పాల్గొంటున్నారు. గ్లోబల్ లేబర్ మార్కెట్‌లోని కీలక సవాళ్లు, అవకాశాల గురించి చర్చించడానికి 50 దేశాలకు చెందిన ప్రభుత్వ రంగ నాయకులు తరలివస్తున్నారు.

ప్రపంచవ్యాప్తంగా 14 దేశాల నుండి 14,000 మంది వ్యక్తుల భాగస్వామ్యంతో రూపొందించబడిన GLMC నివేదిక.. కార్మిక-మార్కెట్ సవాళ్లను పరిష్కరించడంలో పురోగతి సౌదీ విజన్ 2030 లక్ష్యాలను సాధించడానికి కొనసాగుతున్న ప్రయత్నాలకు అనుగుణంగా ఉందని పేర్కొంది.ఇది జాతీయ సామర్థ్యాలను అభివృద్ధి చేయడం, శ్రామిక శక్తిని పెంచడం అర్హత సాధించడం,  నిరుద్యోగిత రేటును తగ్గించడం, తద్వారా స్థానిక ప్రపంచ రెండింటినీ సమర్ధవంతంగా పరిష్కరించగల ప్రముఖ శక్తిగా సౌదీ అరేబియా స్థానాన్ని పటిష్టం చేసిందన్నారు. ఆర్థిక ప్రపంచీకరణ, జనాభా మార్పులు, వేగవంతమైన సాంకేతిక పురోగమనాలు వంటి ప్రపంచ కార్మిక మార్కెట్లు ఎదుర్కొంటున్న తీవ్ర మార్పులను నివేదిక హైలైట్ చేసింది.

సౌదీ విజన్ 2030కి అనుగుణంగా ఆర్థిక వైవిధ్యం, కొత్త ఉద్యోగ అవకాశాలను సృష్టించడం, సౌదీ శ్రామిక శక్తి ప్రపంచ పోటీతత్వాన్ని పెంపొందించడం ద్వారా శ్రామికశక్తి అభివృద్ధికి రాజ్యం నిబద్ధతను నివేదిక ప్రతిబింబించింది.  విద్య -శిక్షణ కార్యక్రమాలను మెరుగుపరచడం, నైపుణ్యాలను పెంపొందించడం, విద్యా అర్హతలు, మార్కెట్ అవసరాల మధ్య అంతరాన్ని తగ్గించడం ద్వారా యువ ఉద్యోగార్ధులకు సహాయపడే లక్ష్యంతో సమగ్ర కార్యక్రమాలకు మద్దతు ఇవ్వాలని నివేదిక తెలిపింది. తద్వారా అభివృద్ధి చెందుతున్న ప్రపంచ కార్మిక మార్కెట్‌లో యువత భవిష్యత్ అవకాశాలను చేజిక్కించుకోవడానికి మెరుగైన సన్నద్ధతను నిర్ధారిస్తుంది. లేబర్ మార్కెట్‌లో వేగవంతమైన మార్పులకు అనుగుణంగా మెజారిటీ శ్రామికశక్తి నైపుణ్యాలను పెంపొందించుకోవాల్సిన ఆవశ్యకతను గణాంకాలు హైలైట్ చేశాయి.

సాంకేతికతతో నడిచే కార్మిక మార్కెట్లలో విజయం కోసం సైన్స్, టెక్నాలజీ, ఇంజనీరింగ్, మ్యాథమెటిక్స్ (STEM)లో నైపుణ్యాలతో పాటుగా అభిజ్ఞా, నిర్వాహక, సామాజిక, భావోద్వేగ నైపుణ్యాల ప్రాముఖ్యతను నివేదిక హైలైట్ చేసింది.