రియాద్: సౌదీ అరేబియా వ్యాప్తంగా రమదాన్ మూడవ వారంలో ట్రాన్స్‌పోర్ట్ జనరల్ అథారిటీ (TGA) 119,819 తనిఖీలు నిర్వహించింది. 23,399 ఉల్లంఘనలను గుర్తించి 1,199 వాహనాలను జప్తు చేసింది.  

యాత్రికులకు సురక్షితమైన రవాణాను నిర్ధారించడానికి మక్కా మరియు మదీనా ప్రాంతాలలో తనిఖీలు చేపట్టినట్లు తెలిపింది. మక్కా ప్రాంతంలో 66,166 తనిఖీలు నిర్వహించి,  13,993 ఉల్లంఘనలు నమోదు చేసి 694 వాహనాలను స్వాధీనం చేసుకున్నట్లు పేర్కొంది. అలాగే, మదీనా ప్రాంతంలో, 18,843 తనిఖీలు చేపట్టి 4,627 ఉల్లంఘనలు నమోదు చేయడం ద్వారా 404 వాహనాలను స్వాధీనం చేసుకున్నట్లు పేర్కొంది.

డ్రైవర్లు యూనిఫాం ధరించకపోవడం, పర్మిట్లు లేకుండా నడపడం, అన్ ఫిట్ వాహనాలు, టాక్సీ మీటర్లలో ట్యాంపరింగ్ వంటి సాధారణ ఉల్లంఘనలు అధికంగా ఉన్నాయని అథారిటీ అధికారులు తెలిపారు.