దోహా: ఖతార్ లో అనధికార వీడియో క్లిప్‌లను చిత్రీకరించి, షేర్ చేసిన వివిధ దేశాలకు చెందిన 313 మంది వ్యక్తులను అరెస్టు చేసినట్లు అంతర్గత మంత్రిత్వ శాఖ ప్రకటించింది.

జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్‌లోని ఆర్థిక మరియు సైబర్ నేరాల నివారణ విభాగం అధికారిక ఆదేశాలను వీరు ఉల్లంఘించారని పేర్కొంది. సోషల్ మీడియాలో తప్పుదారి పట్టించేలా కంటెంట్, పుకార్లను వ్యాప్తి చేస్తున్నారని పేర్కొంది.

ఖతార్ లో ప్రస్తుతం నెలకొన్న పరిస్థితికి సంబంధించిన వీడియో క్లిప్‌లను చిత్రీకరించడం, ప్రచురించడం లేదా పుకార్లను వ్యాప్తి చేయడం నేరమని అంతర్గత మంత్రిత్వ శాఖ గుర్తుచేసింది.  అటువంటి ఉల్లంఘనలకు పాల్పడినట్లు తేలితే వారిపై చట్టపరమైన చర్యలు తీసుకుంటామని హెచ్చరించింది.