రియాద్: రియాద్ ప్రాంతంలోని జుల్ఫీ గవర్నరేట్‌లోని యానాబి నజ్ద్ మాన్యుఫ్యాక్చరింగ్ కంపెనీ ఉత్పత్తి చేసిన SHTINE బాటిల్ వాటర్ వాడొద్దని సౌదీ ఫుడ్ అండ్ డ్రగ్ అథారిటీ (SFDA) హెచ్చరిక జారీ చేసింది. బ్రోమేట్ స్థాయిలు గరిష్టంగా ఉన్నాయని, అనుమతించదగిన పరిమితులను మించి ఉన్నందున వాటికి దూరంగా ఉండాలని సూచించింది.  మరిన్ని ఆరోగ్య ప్రమాదాలను నివారించడానికి మిగిలిన బాటిళ్లను పారవేయాలని కోరింది. తయారీదారు స్థానిక మార్కెట్ నుండి అన్ని ఉత్పత్తులను ఉపసంహరించుకునేలా, ఉత్పత్తిని నిలిపివేసేలా అధికార యంత్రాంగం చర్య తీసుకుందని తెలిపారు.