దోహా: జనవరి 9, 2025న ఉమ్ సలాల్ సెంట్రల్ మార్కెట్‌లో హనీ ఫెస్టివల్ ను ప్రారంభించనున్నట్లు మునిసిపాలిటీ మంత్రిత్వ శాఖ ప్రకటించింది. పది రోజుల పాటు జరిగే ఫెస్టివల్ ను హస్సద్ ఫుడ్ కంపెనీ సహకారంతో ఉమ్ సలాల్ వింటర్ ఫెస్టివల్ కార్యకలాపాలలో భాగంగా వ్యవసాయ వ్యవహారాల శాఖ నిర్వహిస్తుంది. హనీ ఫెస్టివల్ జనవరి 18 వరకు ఉదయం 9 నుండి మధ్యాహ్నం 1 గంటల వరకు, సాయంత్రం 4 నుండి రాత్రి 8 గంటల వరకు ఉంటుంది. స్థానిక రైతులకు మద్దతు ఇవ్వడం, హనీ ఉత్పత్తిని ప్రోత్సహించడం లక్ష్యంగా పెట్టుకుంది. ఉమ్ సలాల్ వింటర్ ఫెస్టివల్ ఫిబ్రవరి 19 వరకు స్థానిక ఉత్పత్తులకు మద్దతు ఇవ్వడం కోసం అనేక ముఖ్యమైన ఈవెంట్‌లు, ప్రదర్శనలను నిర్వహిస్తుంది.