రియాద్: సౌదీ జకాత్, ట్యాక్స్, కస్టమ్స్ అథారిటీ (ZATCA) 14 ప్రభుత్వ సంస్థలతో సమన్వయంతో "సౌదీ అధీకృత ఆర్థిక ఆపరేటర్ ప్రోగ్రామ్" అభివృద్ధిని ప్రకటించింది. మూడు కేటగిరీలలో దిగుమతిదారులు, ఎగుమతిదారులకు అనేక పరిపాలనా, విధానపరమైన, ఆర్థిక ప్రయోజనాలను అందించనున్నారు.  కస్టమ్స్ బ్రోకర్లు, షిప్పింగ్ ఏజెంట్లు, లాజిస్టిక్స్ సేవలు, పరిష్కారాలను అందించే వారికి అంకితం చేయబడింది.

సౌదీ అరేబియాలో లాజిస్టిక్స్ రంగాన్ని మరింత బలోపేతం చేయడం, వాణిజ్యాన్ని సులభతరం చేయడం, దిగుమతిదారులు - ఎగుమతిదారుల కోసం విధానాలను రూపొందించడం, వారి పోటీతత్వాన్ని పెంపొందించడం, సరఫరా గొలుసుల సామర్థ్యాన్ని పెంచడం , వ్యాపార కార్యకలాపాలు సజావుగా.. అధిక స్థాయిలో కొనసాగేలా చూడటం ఈ కార్యక్రమం లక్ష్యం. 2018లో ప్రారంభించినప్పటి నుండి 550 కంటే ఎక్కువ వాణిజ్య సంస్థలు ప్రోగ్రామ్‌లో చేరాయి.

సౌదీ అధీకృత ఆర్థిక ఆపరేటర్ ప్రోగ్రామ్ అనేది ప్రపంచ వ్యాప్తంగా 80 దేశాలలో ఆమోదించబడిన గ్లోబల్ ప్రోగ్రామ్. దీని ద్వారా ప్రపంచ కస్టమ్స్ ఆర్గనైజేషన్ అంతర్జాతీయ వాణిజ్య భద్రత, సులభతర ప్రమాణాల ఫ్రేమ్‌వర్క్‌కు అనుగుణంగా దేశాలు వాణిజ్య సంస్థలకు ప్రయోజనాలను అందిస్తాయి. ప్రోగ్రామ్‌లో చేరడానికి, అన్ని ప్రయోజనాల గురించి తెలుసుకోవాలనుకునే దిగుమతిదారులు, ఎగుమతిదారులు, క్యారియర్లు, షిప్పింగ్ ఏజెంట్లు, కస్టమ్స్ బ్రోకర్లు జకాత్, పన్ను, కస్టమ్స్ అథారిటీ వెబ్‌సైట్‌లో అందుబాటులో ఉన్న ప్రోగ్రామ్ పేజీని సందర్శించాలని సూచించారు.