యూఏఈ: యూఏఈ అత్యంత అధునాతన ఎర్త్-ఇమేజింగ్ ఉపగ్రహం MBZ-SAT.. జనవరి 14న స్థానిక కాలమానం ప్రకారం రాత్రి 11.09 గంటలకు అమెరికాలోని కాలిఫోర్నియాలోని వాండెన్‌బర్గ్ ఎయిర్ ఫోర్స్ బేస్ నుండి విజయవంతంగా ప్రయోగించారు. ఇది భూ కక్ష్యలోకి ప్రవేశించిన ఎమిరాటీ నిర్మించిన రెండవ ఉపగ్రహంగా రికార్డు సృష్టించింది. SpaceX ఫాల్కన్ 9 రాకెట్‌లో దీనిని ప్రయోగించారు. దీనితోపాటు CubeSat, HCT-SAT 1లను విజయవంతంగా కక్ష్యలోకి ప్రవేశపెట్టారు.

MBZ-SAT ప్రయోగం ప్రపంచవ్యాప్తంగా మానవాళికి సేవ చేయడానికి ఆవిష్కరణలను ఉపయోగించడంలో యూఏఈ నిబద్ధతను ప్రతిబింబిస్తుందని దుబాయ్ క్రౌన్ ప్రిన్స్ అన్నారు.

తమ అభివృద్ధి, సుస్థిరత ప్రయత్నాలకు ఈ ఉపగ్రహ ప్రయోగం గణనీయంగా దోహదపడుతుందాని యూఏఈ ఉప ప్రధానమంత్రి, రక్షణ మంత్రి కూడా అయిన షేక్ హమ్దాన్ బిన్ మొహమ్మద్ బిన్ రషీద్ అల్ మక్తూమ్ అన్నారు. దుబాయ్‌లోని మిషన్ కంట్రోల్ సెంటర్‌లో లిఫ్ట్‌ఆఫ్‌ను చూసిన అధికారులలో దుబాయ్ పాలకుడి మనవడు షేక్ మహమ్మద్ బిన్ రషీద్ బిన్ మొహమ్మద్ బిన్ రషీద్ అల్ మక్తూమ్ కూడా ఉన్నారు.

ఉపగ్రహాన్ని అంతరిక్షంలోకి ప్రయోగించడానికి MBRSC SpaceX రైడ్‌షేర్ ప్రోగ్రామ్‌ను ఉపయోగించింది. వాస్తవానికి కంపెనీ రాకెట్‌ అక్టోబర్ 2024 న ప్రయోగించాల్సి ఉంది. MBZ-SAT రాకెట్‌ను గ్రౌన్దేడ్ చేసిన సాంకేతిక సమస్యల కారణంగా ఆలస్యం అయింది. యూఏఈ కంపెనీలు నిర్మించిన 90 శాతం ఉపగ్రహం అంతరిక్ష పరిశ్రమలో యూఏఈ స్థానాన్ని బలోపేతం చేస్తుంది. ప్రభుత్వ, ప్రైవేట్ రంగాల మధ్య లోతైన సహకారాన్ని ప్రోత్సహిస్తుందని వెల్లడించారు.యూఏఈ అంతరిక్ష కేంద్రం ఐదు దేశీయ ప్రైవేట్ సంస్థలతో కలిసి ఉపగ్రహాన్ని రూపొందించింది.ఇందులో ఏరోస్పేస్ తయారీదారు ముబాదాలా యాజమాన్యంలోని స్ట్రాటా, ఫాల్కన్ గ్రూప్, ఎడ్జ్ గ్రూప్ యొక్క EPI, ప్రెసిషన్-గైడెడ్ సిస్టమ్స్ మేకర్ హాల్కన్, రాక్‌ఫోర్డ్ క్సెల్లెరిక్స్ ఉన్నాయి.