ఆర్జీవీ మలయాళీ భామ శ్రీలక్ష్మి సతీష్(అలియాస్ ఆరాధ్య దేవి)తో శారీ సినిమా తీస్తున్న సంగతి తెలిసిందే. ఇప్పటికే ఈ సినిమా నుంచి సాంగ్స్, టీజర్ రిలీజ్ చేయగా తాజాగా ట్రైలర్ రిలీజ్ చేసారు. ఈ ట్రైలర్ చూస్తుంటే ఎప్పుడూ చీరలే కట్టుకునే ఓ అమ్మాయిని ఓ ఫోటోగ్రాఫర్ ఇష్టపడి ప్రేమ అంటూ వెంటతిరిగి ఆ ప్రేమ మరీ ఎక్కువయి, ఆ అమ్మాయి తనకే సొంతం అనే భావనతో సైకోగా మారి ఎలాంటి పనులు చేసాడు? ఆ అమ్మాయిని ఎలా ఇబ్బంది పెట్టాడు అనే కథతో శారీ సినిమా ఉండబోతుందని తెలుస్తుంది.

ఈ సినిమాలో ఆరాధ్య దేవి, సత్య యదు, సాహిల్, అప్పాజీ అంబరీష్, కల్పలత.. పలువురు ముఖ్య పాత్రల్లో నటిస్తున్నారు.

ఈ సినిమా కథని ఆర్జీవీ రాసి ప్రజెంట్ చేయగా రవి శంకర్ నిర్మాణంలో గిరి కృష్ణ డైరెక్ట్ చేసాడు. ఇక ఈ శారీ సినిమా పాన్ ఇండియా వైడ్ తెలుగు, మలయాళం, హిందీ, తమిళ్ భాషల్లో ఫిబ్రవరి 28న రిలీజ్ కాబోతున్నట్టు అధికారికంగా ప్రకటించాడు. మరి ఈ సినిమాతో ఆరాధ్య దేవి తెలుగులో హీరోయిన్ గా సెటిల్ అవుద్దా చూడాలి.