బోటులో పెళ్లి బృందం...40 అడుగుల లోతులో బోటు...
- May 16, 2018దాదాపు 15గంటలు పూర్తి కావొస్తోంది. ఇంత వరకు ఒక్కరి ఆచూకీ కూడా లేదు. తమ వారు ఉన్నారా? చనిపోయారా? బోటు కింద మునిగి జలసమాధి అయ్యారా? తెలియదు. అసలు బతికున్నారా? లేదా అంటూ బాధితుల బంధువులు విషాదంలో మునిగిపోయారు. గోదావరి నదిలో లాంచీ బోల్తా పడిన ఘటనపై ఇప్పటికీ సహాయక చర్యలు కొనసాగుతూనే ఉన్నాయి. ఒడ్డుకి కొంచెం దూరంలోనే బోటు మునిగిపోయిందని గుర్తించిన ఎన్డీఆర్ఎఫ్, గజ ఈతగాళ్లు.. దాన్ని పైకి లేపి ఒడ్డుకు తెచ్చేందుకు ప్రయత్నిస్తున్నారు.
నీటి అడుగున సుమారు 40 అడుగుల లోతులో బోటు ఉన్నట్టు అధికారులు గుర్తించారు. దాన్ని బయటకు తీసేందుకు పోలవరం నుంచి రెండు భారీ క్రేన్లు తెప్పిస్తున్నారు. మరోవైపు అందులో ఉన్నవారి ఆచూకీ ఏమైనా దొరుకుతుందేమో అనే ఉద్దేశంతో చిన్న చిన్న బోట్లతో గోదావరిలో ముమ్మర గాలింపు జరుపుతున్నారు. మరోవైపు నేవీ హెలికాప్టర్లు, నాలుగు ఎన్డీఆర్ఎఫ్ బృందాలు సహాయకచర్యల్లో నిమగ్నమయ్యాయి.
లాంచీ బోల్తా ప్రమాదంతో కొండమొదలు, గొందూరు, తల్లోరు, మంటూరు గ్రామాల్లో విషాదఛాయలు అలుముకున్నాయి. బోటులో ఉన్నవారంతా ఈ గ్రామాల వారే. బోటులో 50 మందికి పైగా ప్రయాణికులు ఉన్నట్టు తెలుస్తోంది. అందులో లాంచీ బోల్తా పడగానే 16 మంది ఒడ్డుకు ఈదుకుంటూ వచ్చేశారు. మిగిలిన 36 మంది కోసం గాలింపు కొనసాగుతోంది. అందులో పెళ్లి బృందం కూడా ఉన్నట్టు చెబుతున్నారు. దీంతో తమ వారి ఆచూకీ కోసం గ్రామాల్లో ప్రజలు భారీగా ఘటన స్థలానికి తరలివస్తున్నారు. ఎప్పుడు ఎలాంటి వార్త వినాల్సి వస్తుందో అని వారంతా విషాదంలో మునిగిపోయారు.
మంటూరు లాంచీ ప్రమాదంపై సీఎం చంద్రబాబు సమీక్షించారు. గాలింపు చర్యలు, సహాయక చర్యల మీద ఆరా తీశారు. ఎప్పటికప్పుడు ఉభయగోదావరి జిల్లాల కలెక్టర్లతో మాట్లాడుతూ వివరాలు తెలుసుకుంటున్నారు. మరికాసేపట్లో సీఎం చంద్రబాబు ఘటన స్థలానికి బయలుదేరనున్నారు.
తాజా వార్తలు
- ప్రత్యేక లేబర్ డే ట్రీట్.. 16 మంది కార్మికులకు అరుదైన అవకాశం
- రవాబీ హైపర్మార్కెట్లో మ్యాంగో ఫియస్టా ప్రారంభం
- అవినీతి లేదా రాజద్రోహానికి పాల్పడిన అధికారులకు 'హిస్ ఎక్సలెన్సీ' బిరుదు తొలగింపు
- వరల్డ్ ప్రెస్ ఫ్రీడమ్ ఇండెక్స్ 2024..18 స్థానాలు ఎగబాకిన ఒమన్
- దుబాయ్ ఆర్ట్ గ్యాలరీలో అమ్మకానికి 'పురాతన సముద్రపు డ్రాగన్' పుర్రె
- తల్లిదండ్రులకు స్కూల్ ఫీజు పెంపు నోటిఫికేషన్లు
- తిరుమలలో భక్తుల రద్దీ..
- ఫేక్ యాప్స్కు గూగుల్ చెక్
- ఖలిస్థానీ ఉగ్రవాది హత్య కేసు.. ముగ్గురు భారతీయులు అరెస్టు
- బంగారం స్వచ్ఛతను తనిఖీ చేసే ఐదు సులభమైన మార్గాలు