ముస్లింల పర్వదినం రంజాన్‌ను పురస్కరించుకుని పాక్‌ ప్రధాని నవాజ్‌ షరీఫ్‌కు భారత ప్రధానమంత్రి నరేంద్రమోదీ శుభాకాంక్షలు తెలిపారు. తమ దేశ ప్రధానికి.. మోదీ స్వయంగా ఫోన్‌ చేసి రంజాన్‌ శుభాకాంక్షలు తెలిపినట్లు షరీఫ్‌ అధికారిక కార్యాలయం ఓ ప్రకటనలో తెలిపింది. షరీఫ్‌ ఆరోగ్య పరిస్థితిని కూడా అడిగి తెలుసుకున్నారని, ప్రకటనలో పేర్కొన్నారు. పాక్‌ ప్రధాని షరీఫ్‌కు ఇటీవలే గుండె శస్త్రచికిత్స జరిగిన విషయం తెలిసిందే. రంజాన్‌ సందర్భంగా పాక్‌లో నేడు జాతీయ సెలవుదినం ప్రకటించారు.