యూఏఈ: ప్రముఖ షార్జా షాపింగ్ మాల్ సఫీర్ మాల్ మూసివేయనున్నారు. ఒక ఐకానిక్ ల్యాండ్‌మార్క్‌గా మారిన ఈ మాల్ రెండు నెలల క్రితం మూసివేసినట్లు అల్ సఫీర్ గ్రూప్ ఆఫ్ కంపెనీస్‌లోని కాల్ సెంటర్ ఏజెంట్ ధృవీకరించారు.  మాల్ పేరు, లోగోను భవనం నుండి తొలగించారు. షార్జాలోని అల్ ఖాన్ రోడ్‌లోని మాల్‌లో మూడు అంతస్తులు, రెండు బేస్‌మెంట్ పార్కింగ్ స్లాట్లు ఉన్నాయి.

2005లో అల్ సఫీర్ గ్రూప్స్ నిర్మించిన ఈ షాపింగ్ గమ్యస్థానం.. షార్జా నివాసితులకు ఒక ముఖ్యమైన ప్రదేశంగా గుర్తింపు పొందింది. రెండు దశాబ్దాల క్రితం మొదట డిస్కౌంట్ సెంటర్‌గా ప్రారంభమైన దానిని తరువాత గ్రూప్ విస్తరించింది. సఫీర్ మాల్ అని పేరు మార్చింది.    

సఫీర్ గ్రూప్స్ 1985లో షార్జాలోని షాప్ ఎన్ సేవ్ సూపర్ మార్కెట్‌లతో యూఏఈలో తన వెంచర్‌ను ప్రారంభించింది. 1997లో ఈ గ్రూప్ ఎమిరేట్‌లో డిస్కౌంట్ మార్కెట్‌ను ప్రారంభించింది. ఆ తర్వాత 2000లో నహ్దాలో సఫీర్ మార్కెట్‌ను ప్రారంభించింది. 2005లో దుబాయ్-షార్జా హైవేపై ఉన్న కస్టమర్లకు సఫీర్ మాల్ దాని తలుపులు తెరిచింది.

ప్రస్తుతం, ఈ గ్రూప్ దుబాయ్‌తో పాటు నగరంలోని వివిధ ప్రాంతాలలో హైపర్‌మార్కెట్లు,  మార్ట్‌లను కలిగి ఉంది.దాంతోపాటు , అజ్మాన్‌లోని సఫీర్ మాల్, దుబాయ్ హోర్ అల్ అంజ్ ఈస్ట్‌లో ఉన్న మరొక షాపింగ్ అవుట్‌లెట్ అయిన రస్ అల్ ఖైమా, 2003లో ప్రారంభించిన సెంచరీ మాల్‌ను గ్రూప్ నిర్వహిస్తోంది.