యూఏఈ: దుబాయ్ కొత్త మాల్‌ను అధికారికంగా ప్రారంభించినట్లు ప్రకటించింది. నాద్ అల్ షెబా మాల్ అని పిలువబడే ఇది దుబాయ్ హోల్డింగ్ అసెట్ మేనేజ్‌మెంట్ యాజమాన్యం నిర్వహిణ‌లో ఉంది.అధికారిక నివేదికల ప్రకారం..500,000 చదరపు అడుగుల రిటైల్ గమ్యస్థానంగా నిర్మించారు. ఇందులో ఫిట్‌నెస్, రిటైల్, వినోదం, హెల్త్‌కేర్ వంటి 100 కి పైగా స్టోర్‌లు ఉన్నాయి.మాల్‌లో రూఫ్‌టాప్ జిమ్, స్విమ్మింగ్ పూల్, పాడెల్ కోర్టులు వంటి ప్రీమియం వెల్‌నెస్ సౌకర్యాలు ఉన్నాయని DHAM ఇంతకు ముందు తెలిపింది. మాల్ లో  900 కి పైగా పార్కింగ్ స్థలాలను ఏర్పాటు చేసిన‌ట్లు దుబాయ్ హోల్డింగ్ అసెట్ మేనేజ్‌మెంట్‌లోని రిటైల్ డెస్టినేషన్స్ మేనేజింగ్ డైరెక్టర్ ఫరీద్ అబ్దేల్‌రెహ్మాన్ తెలిపారు. దుబాయ్ రిటైల్ రంగం ఆర్థిక వృద్ధికి కీలకమైనదని, పర్యాటకులకు అగ్ర ప్రపంచ గమ్యస్థానంగా నగరం ఆకర్షణను బలోపేతం చేస్తూ నివాసితుల జీవన నాణ్యతను పెంచడంలో కీలక పాత్ర పోషిస్తుందన్నారు.