మస్కట్: చిన్న, మధ్యస్థ, సూక్ష్మ-సంస్థ వ్యవస్థాపకుల కోసం గల్ఫ్ తకట్టుఫ్ ఎగ్జిబిషన్ నాల్గవ ఎడిషన్ ప్రారంభమైంది. ఇందులో ఒమన్ తోపాటు  GCC దేశాల నుండి 200 కి పైగా సంస్థలు పాల్గొంటున్నాయి. మూడు రోజుల ఈవెంట్‌ను ఫ్రేజర్ సూట్స్ హోటల్‌లో ఒమన్ ఇన్వెస్ట్‌మెంట్ అథారిటీ చైర్మన్ అబ్దుల్సలాం మొహమ్మద్ అల్ ముర్షిది ప్రారంభించారు. తన ప్రారంభ ప్రసంగంలో, ఈ సంవత్సరం ఎడిషన్ మునుపటి వాటి విజయాలపై ఆధారపడి ఉంటుందని, SMEలకు మద్దతు ఇవ్వడంలోవారి ఆర్థిక వృద్ధిని పెంపొందించడంలో ప్రదర్శన పాత్రను హైలైట్ చేస్తుందని HH సయ్యిదా హుజైజా జైఫర్ అల్ సైద్ తెలిపారు.

ఈ సంవత్సరం ఎడిషన్‌లో ఒమన్ టూరిజం కళాశాల విద్యార్థుల భాగస్వామ్యం ఉందని, వారు ఈవెంట్ మేనేజ్‌మెంట్ , సమన్వయంలో శిక్షణ పొందుతారని పేర్కొన్నారు.  ఈ ప్రదర్శనలో పాల్గొనే వ్యవస్థాపకులు,  వ్యాపార యజమానుల కోసం ఉచిత పోస్ట్-ఈవెంట్ బూట్‌క్యాంప్ కూడా ఉంటుందని, వారి నైపుణ్యాలను పెంపొందించడానికి ఒక వ్యాపార ప్రయోగశాల ,  ఆవిష్కరణ క్లినిక్‌ను ఏర్పాటు చేసినట్లు తెలపారు.   

ఒమన్ చాంబర్ ఆఫ్ కామర్స్ అండ్ ఇండస్ట్రీ (OCCI) బోర్డు సభ్యురాలు సిహామ్ అహ్మద్ అల్ హార్తీ మాట్లాడుతూ.. ఇటువంటి ప్రదర్శనలు SMEలు కొత్త మార్కెట్‌లను యాక్సెస్ చేయడంలో సహాయపడతాయని పేర్కొన్నారు. అదే సమయంలో వినియోగదారులకు విభిన్న ఉత్పత్తులను అన్వేషించడానికి కేంద్రీకృత వేదికను అందిస్తాయని చెప్పారు. ఈ రకమైన స్థానిక,  అంతర్జాతీయ ప్రదర్శనలకు OCCI మద్దతును ఆమె అభినందించారు.

 గల్ఫ్ "తకత్తుఫ్" ప్రదర్శన SME ప్రాజెక్టులకు మద్దతు ఇవ్వడం,  ప్రోత్సహించడం, ఉత్పత్తి ప్రదర్శనలకు వేదికను అందించడం, GCC వ్యవస్థాపకులలో వ్యాపార అవకాశాలు, నాలెడ్జ్ మార్పిడిని పెంపొందించడం లక్ష్యంగా పెట్టుకుందని వక్తలు పేర్కొన్నారు.