ప్రముఖ సంగీత దర్శకుడు, ఆస్కార్‌ విజేత ఏఆర్‌.రెహమాన్‌ యూకేలోని లీడ్స్‌, మాంచెస్టర్‌లో 'యూకే ఇంటిమేట్‌ టూర్‌' పేరుతో సంగీత కచేరి నిర్వహించనున్నారు. రెహమాన్‌ ముందుగా సెప్టెంబర్‌ 22న లండన్‌లోని ఎస్‌ఎస్‌ఈ ఎరీనాలో తొలి కచేరి నిర్వహిస్తారు. 24న బర్మింగ్‌హామ్‌లోని బార్‌క్లేయార్డ్‌ ఎరీనాలో రెండో కచేరీకి హాజరవుతారు.ఆ తర్వాత 29న లీడ్స్‌లో, 30న మాంచెస్టర్‌లో ఈవెంట్‌ ఉంటుంది.
'గతేడాది అమెరికాలో 18 రోజుల పాటు పర్యటించి అభిమానుల కోసం కచేరిలు నిర్వహించాను. ఇప్పుడు ఇదే ఆనందాన్ని యూకేలోని నా అభిమానులకు పంచాలనుకుంటున్నాను. ఈ సంగీత విభావరిలో హిందీ, పంజాబీతో పాటు అన్ని భాషల పాటలు పాడి వినిపిస్తాను.' అంటూ రెహమాన్‌ వెల్లడించారు.