35 ఏళ్ళ ఎమిరేటీ వ్యక్తి రోడ్డు ప్రమాదంలో మృతి చెందారు. మరో ఇద్దరు ఈ ప్రమాదంలో తీవ్రంగా గాయపడ్డారు. షేక్‌ మొహమ్మద్‌ బిన్‌ జాయెద్‌ స్ట్రీట్‌లో రోడ్డు ప్రమాదం చోటు చేసుకుంది. కారు నడుపుతున్న వ్యక్తి కంట్రోల్‌ తప్పడంతో, అతి వేగంతో ఉన్న కారు ప్రమాదానికి కారణమయ్యింది. ప్రమాద సమాచారం అందగానే పోలీసులు ప్రమాద స్థలానికి చేరుకున్నారు. ఘటనా స్థలంలోనే ఓ వ్యక్తి మృతి చెందగా, ఆ మృతదేహాన్ని అజ్మన్‌లోని ఖలీఫా హాస్పిటల్‌కి తరలించారు. మరో ప్రమాదంలో డీజిల్‌ ట్రక్‌, ఎమిరేట్స్‌ రోడ్‌పై ప్రమాదానికి గురయ్యింది. ఈ ప్రమాదంతో రహదారిపై ట్రాఫిక్‌ భారీగా స్తంభించింది. రోడ్లపై వేగాన్ని తగ్గించుకోవాలనీ, వాతావరణ పరిస్థితులకు అనుగుణంగా వాహనాలు నడపాలని పోలీసులు విజ్ఞప్తి చేశారు.