దుల్కర్‌ సల్మాన్‌, నిత్యామేనన్‌ జంటగా నటించిన '100డేస్‌ ఆఫ్‌ లవ్‌' చిత్రం తెలుగు టీజర్‌ విడుదలైంది. ఇదివరకే మలయాళంలో విడుదల చేసిన ఈ చిత్రం అక్కడ విజయం సాధించింది. త్వరలో తెలుగులో అదే టైటిల్‌తో విడుదల చేస్తున్నారు. ఈ నెల 13న చిత్రం ఆడియో వేడుకను నిర్వహించనున్నారు. జీనస్‌ మహమ్మద్‌ దర్శకత్వం వహించిన ఈ చిత్రానికి వెంకటరత్నం నిర్మాతగా వ్యవహరిస్తున్నారు. ఓ ప్రేమజంట జీవితంలో వంద రోజులు ఎలా గడిచాయన్న విషయాన్ని ఈ చిత్రంలో చూపించామని నిర్మాత తెలిపారు. ఈ నెలాఖరుకి చిత్రాన్ని ప్రేక్షకుల ముందుకు తీసుకువస్తున్నారు. ఈ చిత్రంలో తాను ఒక పాట పాడినట్లు నిత్యామేనన్‌ సోషల్‌మీడియా ద్వారా తెలిపారు.