యూఏఈః యూఏఈలోని నివాసితులు ఈద్ అల్ అధాను ప్రారంభించేందుకు సిద్ధమవుతున్నారు. ఈ వారాంతంలో వర్షం పడే అవకాశం ఉందని వాతావరణ శాఖ వెల్లడించింది. వేసవి కాలం రాకముందే అధిక ఉష్ణోగ్రతలు నమోదు అవుతున్నాయి. నివాసితులు ఎండల తీవ్రత నుండి కొంత ఉపశమనం కోసం ఆశిస్తున్నారు.కాగా, రాబోయే వీకెండ్(సెలవు రోజుల్లో)లో కొన్ని ప్రాంతాల్లో వర్షాలు కురిసే అవకాశం ఉంది. యూఏఈ వాతావరణ శాఖ, నేషనల్ సెంటర్ ఆఫ్ మెటియాలజీ (NCM) జూన్ 6, 7 , 8 తేదీలలో వర్షం పడుతుందని అంచనా వేసింది. జూన్ 6న అక్కడక్కడ పాక్షికంగా మేఘావృతమై ఉంటుందని,కొన్ని ప్రాంతాల్లో వర్షాలు కురుస్తాయని NCM తెలిపింది. జూన్ 7న విస్తారంగా వర్షాలు కురుస్తాయని, తూర్పు, ఉత్తరం ప్రాంతాలలో ఆకాశం మేఘావృతమై ఉంటుందని వాతావరణ శాఖ తెలిపింది. జూన్ 8న దేశవ్యాప్తంగా వర్సాలు కురుస్తాయని NCM తెలిపింది.