మస్కట్: సుల్తాన్ హైతం బిన్ తారిక్ రెండు రాయల్ డిక్రీలను జారీ చేశారు. ఒమన్ సుల్తానేట్ ప్రభుత్వం, రష్యన్ ఫెడరేషన్ ప్రభుత్వం మధ్య వీసాల పరస్పర మినహాయింపుపై ఒక ఒప్పందాన్ని ఆమోదించారు.(రాయల్ డిక్రీ నెం. 53/2025 ) ఇది 22 ఏప్రిల్ 2025న మాస్కోలో అగ్రిమెంట్ చేసుకున్నారు. ఈ రాయల్ డిక్రీ అధికారిక గెజిట్‌లో ప్రచురించబడుతుందని, దాని జారీ తేదీ నుండి అమలు చేయబడుతుందని చెలిపారు.
అదే విధంగా  "ఒమన్ సెంటర్ ఫర్ గవర్నెన్స్ అండ్ సస్టైనబిలిటీ"ని రద్దు చేశారు.(రాయల్ డిక్రీ నెం. 52/2025)
ఆర్టికల్ (1) ప్రకారం "ఒమన్ సెంటర్ ఫర్ గవర్నెన్స్ అండ్ సస్టైనబిలిటీ" రద్దు చేశారు. "ఒమన్ సెంటర్ ఫర్ గవర్నెన్స్ అండ్ సస్టైనబిలిటీ" కేటాయింపులు, హక్కులు, బాధ్యతలు, ఆస్తులు ఫైనాన్షియల్ సర్వీసెస్ అథారిటీకి బదిలీ చేస్తారు. ఉద్యోగులు వారి సంబంధిత ఆర్థిక గ్రేడ్‌లతో పాటు ఫైనాన్షియల్ సర్వీసెస్ అథారిటీకి బదిలీ అవుతుంది.