కువైట్: జాతీయ జెండా కోడ్‌కు సవరణలను ప్రవేశపెడుతూ, దేశంలో విదేశీ జెండాల ప్రదర్శనను ప్రత్యేకంగా నియంత్రిస్తూ, కువైట్ 2025 డిక్రీ-లా నంబర్ 73ని జారీ చేసింది. కొత్తగా జోడించిన ఆర్టికల్ 3 బిస్ ప్రకారం.. ఇప్పుడు కువైట్‌లో విదేశీ దేశాల జెండాలను ఎగురవేయడం నిషేధించారు.  కువైట్ విదేశీ దేశం పాల్గొనే ప్రాంతీయ లేదా అంతర్జాతీయ క్రీడా ఛాంపియన్‌షిప్‌లను నిర్వహించినప్పుడు ఈ నిబంధనకు మినహాయింపు ఇచ్చినట్లు తెలిపారు.

దాంతోపాటు, మతపరమైన, సామాజిక, గిరిజన సమూహాలు లేదా వర్గాలను సూచించే జెండాలు లేదా నినాదాల ప్రదర్శనను చట్టం నిషేధిస్తుంది., అధికారిక జెండాలు,  గుర్తింపు పొందిన క్రీడా క్లబ్‌ల నినాదాలకు మాత్రమే మినహాయింపు ఇచ్చారు. ఈ చట్టాన్ని ఉల్లంఘించిన వారికి ఆరు నెలల వరకు జైలు శిక్ష, లేదా KD 1,000 నుండి KD 2,000 వరకు జరిమానా విధించవచ్చు.