కువైట్: కువైట్ విద్యా మంత్రిత్వ శాఖ అత్యవసర ప్రణాళికను అమలు చేసింది. విద్యా మంత్రి జలాల్ అల్-తబ్తాబే మంత్రిత్వ శాఖ అధికారులతో ఆన్‌లైన్ సమావేశం నిర్వహించారు. విద్యార్థులు, సిబ్బంది భద్రతను నిర్ధారించడానికి, విద్యకు అంతరాయం కలగకుండా చూసుకోవడానికి అత్యవసర ప్రణాళికను అమలు చేయాలని ఆదేశించారు. పరీక్షలు రాసే విద్యార్థుల భద్రత దృష్ట్యా ఏదైనా అత్యవసర పరిస్థితిని ఎదుర్కోవడానికి రాపిడ్ ఇంటర్వెన్షన్ బృందాలు సిద్ధంగా ఉన్నాయని మంత్రిత్వ శాఖ ఒక ప్రకటనలో తెలిపింది. 12వ తరగతి విద్యార్థుల పరీక్షలు షెడ్యూల్ ప్రకారం జరుగుతాయని, 90 షెల్టర్లు ఏదైనా అత్యవసర పరిస్థితికి సిద్ధంగా ఉన్నాయని తెలిపింది.