మాస్కో: ఇరాన్ అణు కర్మాగారాలపై అమెరికా దాడులను రష్యా తీవ్రంగా ఖండించింది. ఇలాంటి దాడులు ఇరాన్ అణు ఆశయాలను అడ్డుకోబోవని, బెదిరింపులు ఇరాన్ వెనుకడుగు వేయదన్నారు. అలాగే, టెహ్రాన్ విదేశాంగ మంత్రిని మాస్కోలో చర్చలకు రష్యా స్వాగతించింది. ఈ మేరకు రష్యా విదేశాంగ మంత్రిత్వ శాఖ ఒక ప్రకటన జారీ చేసింది. ఇరాన్ పై అమెరికా వైమానిక దాడులను తీవ్రంగా ఖండించింది. వాటిని అంతర్జాతీయ చట్టం, UN చార్టర్,  UN భద్రతా మండలి తీర్మానాలకు సంబంధించి తీవ్ర ఉల్లంఘన అని పేర్కొంది.

అధ్యక్షుడు వ్లాదిమిర్ పుతిన్ భద్రతా మండలి డిప్యూటీ హెడ్‌గా పనిచేస్తున్న డిమిత్రి మెద్వెదేవ్ మాట్లాడుతూ.. అనేక దేశాలు టెహ్రాన్‌కు అణ్వాయుధాలను సరఫరా చేయడానికి సిద్ధంగా ఉన్నాయని అన్నారు.  ఇరాన్ విదేశాంగ మంత్రి ఆదివారం మాస్కోకు వెళ్లి సోమవారం రష్యా అధ్యక్షుడు వ్లాదిమిర్ పుతిన్‌తో సమావేశం అవుతారని చెప్పారు. ఇరాన్‌లో అణు విస్తరణపై ఐక్యరాజ్యసమితి ఒప్పందంపై సంతకం చేసిన దేశాలలో రష్యా ఒకటి అని పేర్కొన్నారు.