మస్కట్: సిరియన్ అరబ్ రిపబ్లిక్‌లోని చర్చిపై జరిగిన బాంబు దాడిని ఒమన్ తీవ్రంగా ఖండించింది. సిరియన్ రాజధాని డమాస్కస్‌లోని చర్చిపై బాంబు దాడి జరిగింది. దీనిపై ఒమన్ విదేశాంగ మంత్రిత్వ శాఖ ఒక ప్రకటన విడుదల చేసింది. సిరియన్ అరబ్ రిపబ్లిక్ ప్రభుత్వానికి, బాధితుల కుటుంబాలకు మంత్రిత్వ శాఖ తన సంతాపాన్ని వ్యక్తం చేసింది. గాయపడినవారు త్వరగా కోలుకోవాలని ఆకాంక్షించింది. అన్ని రకాల హింస, ఉగ్రవాదాన్ని విడనాడాలని పిలుపునిచ్చింది. ఇలాంటి వాటిని సహించబోమని, అవి ఏ రూపంలో ఉన్న వ్యతిరేకిస్తామని మంత్రిత్వ శాఖ స్పష్టం చేసింది.