రియాద్: సౌదీ అరేబియాలో జూలై 2, 2024న రాయల్ డిక్రీ ద్వారా జారీ చేసిన కొత్త సామాజిక బీమా చట్టంలోని నిబంధనలు జూలై 1 నుండి అమల్లోకి వచ్చాయి. ప్రస్తుత పౌర పెన్షన్ చట్టం లేదా సామాజిక బీమా చట్టం ప్రభుత్వ, ప్రైవేట్ రంగాలలో చేరే కొత్త పౌర ఉద్యోగులకు ప్రత్యేకంగా వర్తిస్తుందని జనరల్ ఆర్గనైజేషన్ ఫర్ సోషల్ ఇన్సూరెన్స్ (GOSI) ప్రకటించింది.

సవరించబడిన చట్టం పదవీ విరమణ వయస్సులో క్రమంగా పెరుగుదలను నిర్దేశిస్తుందని, అయితే GOSI ప్రస్తుత చందాదారులకు ప్రయోజనాలలో ఎటువంటి మార్పు ఉండదని స్పష్టం చేసింది. సవరణల ద్వారా ప్రభావితమైన వ్యక్తుల కోసం చట్టబద్ధమైన పదవీ విరమణ వయస్సు 58,  65 గ్రెగోరియన్ సంవత్సరాల మధ్య ఉంటుందని సంస్థ పేర్కొంది.

ఈ చట్టం మరిన్ని వర్గాలను చేర్చడానికి బీమా కవరేజ్ పరిధిని విస్తరించడానికి దోహదపడుతుందని, ప్రభుత్వ - ప్రైవేట్ రంగాల మధ్య ఉద్యోగ బదిలీలలో వశ్యతను సాధించడానికి దోహదపడుతుందన్నారు.  

సామాజిక బీమా వ్యవస్థలో కొత్త చందాదారులకు వర్తించే కొత్త నిబంధనలలో, వ్యవస్థ చెల్లుబాటు అయ్యే రెండవ సంవత్సరం నుండి ఐదవ సంవత్సరం వరకు పెన్షన్ బ్రాంచ్ సబ్‌స్క్రిప్షన్ రేట్లలో క్రమంగా పెరుగుదల ఉంటుందని పేర్కొన్నది. సబ్‌స్క్రిప్షన్ రేటు సబ్‌స్క్రయిబర్,  యజమానికి 9 శాతానికి బదులుగా 11 శాతం అవుతుంది.

ప్రసూతి ప్రయోజనం కూడా జూలై 1 నుండి అమల్లోకి వస్తుంది. ఈ ప్రయోజనం కింద, సౌదీ లేదా సౌదీయేతర మహిళా చందాదారులకు ప్రసవం తర్వాత మూడు నెలల పాటు ప్రసూతి పరిహారాన్ని GOSI మంజూరు చేస్తుంది. ఈ నిబంధనలకు సంబంధించిన అన్ని వివరాలను సంస్థ వెబ్‌సైట్‌లోని అవగాహన వేదిక ద్వారా లేదా GOSI యాప్ ద్వారా తెలుసుకోవాలని కస్టమర్‌లను, చందాదారులు, యజమానులకు సూచించింది.