దోహా, ఖతార్: సీలైన్ ప్రాంతంలో సముద్రపు నీటిలో కొట్టుకుపోయిన వాహనాన్ని విజయవంతంగా వెలికితీశారు. ఈ ఖతార్ మేరకు హోం మంత్రిత్వ శాఖ ఒక ప్రకటన విడుదల చేసింది. రెస్క్యూ ఆపరేషన్ కు సంబంధించిన వీడియో సోషల్ మీడియాలో వైరల్ అవుతోంది. 

ఒక వాహనం ఆఫ్‌షోర్‌లో చిక్కుకుందని అధికారులకు మంత్రిత్వ శాఖ హాట్‌లైన్ ద్వారా అత్యవసర కాల్ వచ్చిందన్నారు. అత్యవసర బృందాలను వెంటనే సంఘటనా స్థలానికి పంపించామని, అక్కడి వారికి ఎటువంటి గాయాలు లేదా మరింత నష్టం కలుగకుండా వాహనాన్ని వెలికితీశారని పేర్కొన్నారు.

సంఘటన సమయంలో వాహనంలో ఉన్న వారి ప్రాణాలకు ప్రమాదం లేదని మంత్రిత్వ శాఖ తెలిపింది. వేగంగా స్పందించి, ప్రాణాలను రక్షించిన రెస్క్యూ ఆపరేషన్ లో పాల్గొన్న సిబ్బందిని ప్రశంసించింది.