యూఏఈ: దుబాయ్ మునిసిపాలిటీ రాస్ అల్ ఖోర్ వన్యప్రాణుల అభయారణ్యం అభివృద్ధి ప్రాజెక్టును ప్రారంభించింది. ప్రతి సంవత్సరం సందర్శకుల సంఖ్యను ఆరు రెట్లు పెంచడం దీని లక్ష్యమని ప్రకటించారు. Dh650 మిలియన్ల ప్రాజెక్ట్ మొదటి దశకు ఒప్పందం కుదిరిందని, వచ్చే ఏడాది చివరి నాటికి పనులు పూర్తవుతాయని తెలిపింది.

రస్ అల్ ఖోర్ వన్యప్రాణుల అభయారణ్యం దుబాయ్ నగర కేంద్రానికి సమీపంలో ఉన్న ఒక రిజర్వ్. ఇది ఉప్పునీటి సరస్సులు, మడ అడవులకు కేంద్రంగా ఉంది. బర్డ్లైఫ్ ఇంటర్నేషనల్ ద్వారా ప్రపంచవ్యాప్తంగా ముఖ్యమైన బర్డ్ ఏరియా (IBA)గా గుర్తించబడిన ఇది 450 కంటే ఎక్కువ జాతుల వృక్షజాలం, జంతుజాలానికి నిలయంగా ఉంది. ఇది ప్రాంతీయ జీవవైవిధ్యంలో కీలక పాత్ర పోషిస్తుంది.  

దుబాయ్ రాస్ అల్ ఖోర్ అభయారణ్యం అభివృద్ధి చేయడానికి Dh650 మిలియన్ల ప్రాజెక్టును ఆవిష్కరించింది.  అభయారణ్యం అనేక పక్షులకు అవాసంగా ఉంది. ఇక్కడ సందర్శకులు వాటి సహజ ఆవాసాలలో విస్తృత శ్రేణి పక్షులను గమనించవచ్చు. ఫ్లెమింగో హైడ్ ఐకానిక్ గ్రేటర్ ఫ్లెమింగోల దృశ్యాలను అందిస్తుంది. అయితే మాంగ్రోవ్ హైడ్ గ్రే హెరాన్లు, స్పూన్బిల్స్, కింగ్ఫిషర్లు,  ఓస్ప్రే వంటి జాతులను ఇక్కడ చూడవచ్చు.

కొత్త అభివృద్ధి ప్రాజెక్టు మొదటి దశలో.. ఈ ప్రదేశంలోని నీటి వనరులలో 144% పెరుగుదల ఉందని, వాటి మొత్తం వైశాల్యాన్ని 74 హెక్టార్లకు విస్తరిస్తుందని మునిసిపాలిటీ ప్రకటించింది. ఈ ప్రాజెక్ట్ రిజర్వ్ సహజ సౌందర్యాన్ని పెంచడమే కాకుండా కార్బన్ డయాక్సైడ్ శోషణను 60% పెంచుతుందని, తద్వారా ప్రధాన పర్యావరణ ప్రయోజనాలను కూడా అందిస్తుందని భావిస్తున్నారు.

అలాతే, 10 హెక్టార్ల మడ్ ఫ్లాట్లు (ఉప్పు ఫ్లాట్లు) కొత్తగా చేరుతుందన్నారు. ఇది అభయారణ్యం పర్యావరణ వ్యవస్థ, జీవవైవిధ్యానికి గణనీయంగా దోహదపడుతుందని తెలిపారు.  

రెండవ దశ అభివృద్ధిలో పచ్చని ప్రదేశాలను విస్తరించడం, స్థానిక వృక్షసంపదను నాటడం, మరిన్ని వన్యప్రాణులను ఆకర్షించడానికి సహజ ఆవాసాలను మెరుగుపరచడంపై దృష్టి సారిస్తారు. ఇది నగరంలో కీలకమైన పర్యావరణ, విద్యా ప్రదేశంగా అభయారణ్యం పాత్రను మరింత బలోపేతం చేస్తుందని భావిస్తున్నారు.