యూఏఈ: ఫుజైరాలోని షేక్ ఖలీఫా వీధిలో వెళ్లే డ్రైవర్లు ఒక ప్రత్యేకమైన సంగీత అనుభవాన్ని చూసి ఆశ్చర్యపోతున్నారు. రోడ్డులోని ఒక నిర్దిష్ట ప్రాంతంలో డ్రైవ్ చేస్తున్నప్పుడు, బీతొవెన్ తొమ్మిదవ సింఫనీ ప్లే అవుతుంది. ఇది యూఏఈలోని వాహనదారులు ప్రయత్నించడానికి ఒక కొత్త సాహసయాత్రగా మారుతుంది. ఫుజైరా పోలీసు ప్రధాన కార్యాలయానికి ముందు రోడ్డు ఉపరితలంపై జాగ్రత్తగా ఇంజనీరింగ్ చేయబడిన రంబుల్ స్ట్రిప్‌లు, స్థిరమైన వేగంతో డ్రైవ్ చేసినప్పుడు శాస్త్రీయ సంగీతం వినిపిస్తుంది.   అయితే, మ్యూజిక్ రోడ్ల కాన్సెప్ట్ కొత్తదేమీ కాదు.  డెన్మార్క్‌లో మొదలైన ఈ తరహా రోడ్లు ప్రపంచంలోని అనేక ప్రాంతాలలో ప్రాచుర్యం పొందాయి.   

ది ఆస్ఫాల్టోఫోన్
ప్రపంచంలో మొట్టమొదటిది. ఆస్ఫాల్టోఫోన్ అని పిలుస్తారు. డెన్మార్క్‌లోని గైలింగ్‌లో 1995 అక్టోబర్‌లో డానిష్ కళాకారులు స్టీన్ క్రారూప్ జెన్సెన్, జాకబ్ ఫ్రాయిడ్-మాగ్నస్ నిర్మించారు.

ఫ్రాన్స్‌లో రెండవ రోడ్డు
ప్రపంచంలోని రెండవ మ్యూజిక్ రహదారి 2000లో ఫ్రాన్స్‌లోని సియెన్-సెయింట్-డెనిస్‌లోని విల్లెపింటేలో నిర్మించారు. ఈ రోడ్డు రెండు సంవత్సరాల తర్వాత చదునుగా మారింది. కానీ కొందరు రోడ్డుపై డ్రైవింగ్ చేస్తున్నప్పుడు ఇప్పటికీ మ్యూజిక్ వినిపిస్తుందని అంటుంటారు. 

అమెరికాలో మొదటిది
అమెరికా మొదటి మ్యూజిక్ రహదారి 2008లో కాలిఫోర్నియాలోని లాంకాస్టర్‌లోని అవెన్యూ Kలో నిర్మించారు.  సివిక్ మ్యూజికల్ రోడ్ అని పిలువబడే పావు మైలు విస్తీర్ణంలో ఉంది. ఒక నిర్దిష్ట వేగంతో వాహనాలు వెళ్లేటప్పుడు 'విలియం టెల్ ఓవర్చర్' ముగింపును ప్లే చేసేలా చూపొందించారు. అయితే, రోడ్డు వల్ల కలిగే శబ్దాల గురించి నివాసితుల నుండి ఫిర్యాదులు రావడంతో, దానిని పట్టణం నుండి రెండు మైళ్ల దూరంలో అవెన్యూ G కి తరలించారు.  అది నేటికీ అక్కడే ఉంది.

అమెరికాలోని న్యూ మెక్సికోలో మరోకటి ఉంది.  ఇది అల్బుకెర్కీ,  టిజెరాస్ మధ్య రూట్ 66లోని ఒక విభాగంలో కార్లను నెమ్మదించడానికి 'అమెరికా ది బ్యూటిఫుల్' పాటను ప్లే చేస్తుంది.

జపాన్‌లో 30 మ్యూజిక్ రోడ్స్
2007లో షిజువో షినోడా అనే వ్యక్తి అనుకోకుండా బుల్డోజర్‌తో రోడ్డుపైకి కొన్ని గుర్తులను గీసి వాటిపైకి వెళ్లాడు.  అవి వేర్వేరు సంగీత స్వరాలను సృష్టించగలవని గ్రహించాడు. నేడు జపాన్‌లో కనీసం ముప్పై మ్యూజిక్ రహదారులు ఉన్నాయి.  కొన్ని అనిమే నియాన్ జెనెసిస్ ఎవాజెలియన్ నుండి థీమ్ సాంగ్, 'స్పిరిటెడ్ 'అవే' చిత్రం నుండి 'ఆల్వేస్ విత్ మీ' పాటను ప్లే చేస్తున్నాయి.

డ్రైవర్లు నిద్రపోకుండా నిరోధించడానికి
దక్షిణ కొరియాలోని అనేక రహదారులు వాహనదారులు దృష్టిని ఆకర్షించడానికి కొన్ని పాటలను ఏర్పాటు చేశాయి. అన్యాంగ్, జియోంగ్గికి దగ్గరగా ఉన్న సింగింగ్ రోడ్, నేలపై కత్తిరించిన పొడవైన కమ్మీలను ఉపయోగించి దీనిని తయారుచేశారు.  'మేరీ హాడ్ ఎ లిటిల్ లాంబ్' అనే నర్సరీ రైమ్ వెర్షన్‌ను ఇది ప్లే చేస్తుంది.

ప్రమాదాల నివారణకు
ట్రాఫిక్ ప్రమాదాల సంఖ్యను తగ్గించడానికి ఇండోనేషియా కూడా మెలోడీ రోడ్‌ను ఏర్పాటు చేసింది. జావాలోని సోలో-కెర్టోసోనో టోల్ రోడ్‌లోని న్గావి-కెర్టోసోనో విభాగంలోని రహదారి, సరైన వేగంతో నడిపినప్పుడు 'హ్యాపీ బర్త్‌డే టు యూ' మొదటి ఆరు పదాలను ప్లే చేస్తుంది.

జ్ఞాపకార్థం
హంగేరీ 2019లో బ్యాండ్ రిపబ్లిక్ నుండి ప్రధాన గాయకుడు లాస్జ్లో బోడి (స్టేజ్ పేరు సిపో)కి నివాళిగా ఒక సంగీత రహదారిని ఏర్పాటు చేసింది. రోడ్డు పక్కన వెళుతున్నప్పుడు, వారి '67-es út (రోడ్ 67)' పాటను సుమారు 30-సెకన్ల స్నిప్పెట్ ప్లే అవుతుంది.