ముంబై: నిరుద్యోగులకు బంపర్ ఆఫర్ అనే చెప్పాలి. ఏరోస్పేస్, డిఫెన్స్ రంగాల్లో సేవలు అందిస్తున్న ప్రముఖ ప్రైవేట్ కంపెనీ టాటా అడ్వాన్స్‌డ్ సిస్టమ్స్ లిమిటెడ్ (TASL) వాక్-ఇన్ ఇంటర్వ్యూలు నిర్వహిస్తోంది. ఈ ఇంటర్వ్యూస్ ద్వారా తమ హైదరాబాద్ కేంద్రంలో ఖాళీగా ఉన్న ఉద్యోగాలను భర్తీ చేయనుంది. హోటల్ ఎస్‌ఎన్ గ్రాండ్, టుక్కుగూడ ,శంషాబాద్ లో జులై 13 ఆదివారం ఉదయం 10 గంటల నుంచి సాయంత్రం 5 వరకు ఈ ఇంటర్వ్యూలు జరుగనున్నాయి.

ఉద్యోగ వివరాలు: TASL సంస్థలో పెయింట్ షాప్ ఆపరేటర్, అసెంబ్లీ ఆపరేటర్ పోస్టుల భర్తీ కోసం ఈ ఇంటర్వ్యూలు జరుగనున్నాయి.

విద్యార్హతలు: ఈ ఇంటర్వ్యూలకు హాజరయ్యే అభ్యర్థులు ITI పూర్తి చేసి ఉండాలి. పెయింటింగ్‌లో నైపుణ్యం కలిగి ఉండాలి. అలాగే సంబంధిత రంగంలో అప్రెంటిస్ శిక్షణ పొందిన యువత కూడా ఈ ఇంటర్వ్యూలలో పాల్గొనవచ్చు.

అవసరమయ్యే ధ్రువపత్రాలు:

• పాస్‌పోర్ట్ సైజ్ ఫోటోతో కూడిన రిజ్యూమ్
• విద్యార్హతల సర్టిఫికెట్లు, ITI, ఇతర సంబంధిత కోర్సుల పత్రాలు
• పూర్వ అనుభవ ధ్రువపత్రాలు
• ప్రస్తుతం పని చేస్తున్న కంపెనీ జాయినింగ్, CTC లెటర్స్
• గత మూడు నెలల పే స్లిప్స్/బ్యాంక్ స్టేట్మెంట్లు.