కువైట్ః కార్మికుల భద్రతా చర్యలపై దృష్టి సారించి, నిర్మాణ ప్రదేశాల్లో కువైట్ మునిసిపాలిటీ తన తనిఖీలను ముమ్మరం చేసింది. ఇప్పటికే రెండు విడతలుగా నిర్వహించిన తనిఖీలకు కొనసాగింపుగా మూడోసారి తనిఖీలను ప్రారంభించినట్లు తెలిపింది. భద్రతా ఉల్లంఘనలను గుర్తించడానికి జహ్రా గవర్నరేట్ శాఖలోని భద్రతా విభాగం ఈ ప్రచారాన్ని నిర్వహిస్తుందని భద్రతా విభాగం డైరెక్టర్ ఇంజినీర్ అల్-హమీది అల్-ముతైరి అన్నారు. సాద్ అల్-అబ్దుల్లా ప్రాంతంలో జరిగిన ప్రచారం సందర్భంగా, రెండు ఉల్లంఘనలు గుర్తించి నోటీసులు జారీ చేసినట్లు తెలిపారు. దీంతో ఇప్పటివరకు 14 సంస్థలకు నోటీసుల జారీ చేసినట్లు పేర్కొన్నారు.