మస్కట్: ఒమన్‌లో నివసిస్తున్న బంగ్లాదేశ్ జాతీయుడు హత్యకు గురయ్యాడు. సుర్‌లోని విలాయత్‌లో జరిగిన హత్యకు సంబంధించి సౌత్ అల్ షర్కియా గవర్నరేట్ పోలీస్ కమాండ్ ఒక అనుమానితుడిని అరెస్టు చేసిందని, అతను కూడా బంగ్లాదేశ్ జాతీయుడేనని రాయల్ ఒమన్ పోలీస్ (ROP) వెల్లడించింది. అతనిపై చట్టపరమైన చర్యలు తీసుకుంటున్నట్లు పేర్కొంది.

మరొక సంఘటనలో, సదరన్ అల్ బటినా గవర్నరేట్‌లోని పోలీస్ కమాండ్ బర్కాలోని విలాయత్‌లో భారీ మొత్తంలో ఆల్కహాల్ కలిగిఉన్న డ్రింక్స్ ను చట్టవిరుద్ధంగా రవాణా చేస్తున్న ఒక భారతీయుడిని అరెస్టు చేసినట్లు తెలిపింది. అతని వాహనంతోపాటు ఆల్కహాల్ ను సీజ్ చేశామని, అతనిపై చట్టపరమైన చర్యలు తీసుకుంటామని తెలిపారు.