దోహా, ఖతార్: ఓరిక్స్ ఇంటర్‌చేంజ్ నార్త్ వైపు వెళ్లే అల్ బిడ్డా స్ట్రీట్ ను తాత్కాలికంగా పూర్తిగా మూసివేయనున్నారు.ఈ మేరకు పబ్లిక్ వర్క్స్ అథారిటీ (అష్ఘల్) ఒక ప్రకటనలో వెల్లడించింది. ఆగస్టు 1 తెల్లవారుజామున 2 గంటల నుండి ఆగస్టు 3 ఉదయం 5 గంటల వరకు రోడ్డు మూసివేత ఆంక్షలు అమలులో ఉంటాయని తెలిపారు.రోడ్డు నిర్వహణ పనులను నిర్వహించడానికి వీలుగా రోడ్డును తాత్కాలికంగా పూర్తిగా మూసివేయనున్నట్లు అష్ఘల్ పేర్కొంది.

ఆంక్షలు అమల్లో ఉన్న సమయంలో అల్ బిడ్డా స్ట్రీట్ నార్త్‌లోని వాహనదారులు కూడళ్ల వద్ద అందుబాటులో ఉన్న అన్ని ఉచిత లేన్‌లను ఉపయోగించుకోవాలని, వారి గమ్యస్థానాలకు చేరుకోవడానికి సమీపంలోని స్ట్రీట్స్,  ప్రత్యామ్నాయ రోడ్ల ద్వారా తిరిగి వెళ్లాలని అష్ఘల్ సూచించింది.