యూఏఈ: దుబాయ్‌లోని అర్జాన్‌లో జనవరి 7 రాత్రి జరిగిన హిట్‌ అండ్ రన్ ఘటనలో గాయాలపాలైన 34 వారాల గర్భిణి ఇంకా ఐసీయూలో చికిత్స పొందుతున్నారు. అయితే, వైద్యులు ఆమె కడుపులోని బిడ్డను కాపాడగలిగారని ఆమె భర్త తెలిపారు. 30 ఏళ్ల ఆస్థా కన్వర్ ప్రస్తుతం ఇంటెన్సివ్ కేర్ యూనిట్‌లో చికిత్స పొందుతోంది.

ఈ సంఘటన ఆరోజున  రాత్రి 11.30 గంటల ప్రాంతంలో జరిగింది. ఆస్థా మరియు ఆమె భర్త ఓజస్వి గౌతమ్  దుబాయ్‌ల్యాండ్‌లోని అర్జాన్‌లోని సెంట్రల్ పార్క్ సమీపంలో ఉన్న తమ ఇంటి దగ్గర నడుచుకుంటూ వెళ్తుండగా ఈ ఘటన జరిగింది. ఒక కారు వన్‌-వే రోడ్డులోకి తప్పుగా ప్రవేశించి, అకస్మాత్తుగా వెనక్కి వచ్చి తమను ఢీకొట్టి వేగంగా వెళ్లిపోయిందని ఆ దంపతులు తెలిపారు.  

కాగా, ఆస్థా త్వరగా కోలుకోవాలని ఆకాంక్షిస్తూ పలువుర సోషల్ మీడియాలో పోస్టులు పెడుతున్నారు.  సంఘటన చాలా వేగంగా జరిగిందని, ఆ వాహనం రిజిస్ట్రేషన్ నంబర్ గుర్తులేదని, అది ఒక సెడాన్ కారులా కనిపించిందని ఓజస్వి చెప్పాడు. పోలీసులు మరియు అంబులెన్స్ సిబ్బంది నిమిషాల్లోనే అక్కడికి చేరుకుని అత్యవసర చికిత్స ప్రారంభించారని ఆయన అన్నారు. తల్లి బేబీ ప్రాణాలతో బయటపడటం అద్భుతం అని ఆయన అన్నారు. దుబాయ్ పోలీసులు ఈకేసును దర్యాప్తు చేస్తున్నారని మరియు హిట్ అండ్ రన్ డ్రైవర్‌ను కనుగొనడానికి కృషి చేస్తున్నారని కుటుంబం

యూఏఈలో అమల్లో ఉన్న చట్టం ప్రకారం.. ప్రమాదం జరిగిన ప్రదేశాన్ని విడిచిపెట్టడం ఒక క్రిమినల్ నేరం. జైలు శిక్ష, జరిమానాలు మరియు డ్రైవింగ్ లైసెన్స్‌ను సస్పెండ్ చేయడానికి దారితీస్తుంది.