మక్కాః సౌదీ అరేబియాలోని పౌరులు, టూరిస్టులు ఇప్పుడు ఎలాంటి మొబైల్ డేటా అవసరం లేకుండానే నుసుక్ యాప్ ను యాక్సెస్‌ చేయవచ్చు. సౌదీ టెలికాం ఆపరేటర్లు అయిన STC, Mobily మరియు జైన్‌ల సహకారంతో ఈ ప్రత్యేక సర్వీసును యాక్టివేట్ చేసినట్లు సౌదీ అరేబియా హజ్ మరియు ఉమ్రా మంత్రిత్వ శాఖ వెల్లడించింది. ఇది యాత్రికుల ప్రయాణాలను సులభం చేస్తుందని, అదే సమయంలో హజ్ మరియు ఉమ్రా సేవలకు మెరుగైన డిజిటల్ అనుభవాన్ని అందిస్తుందని తెలిపింది.
సౌదీ అరేబియాలో నుసుక్ యాప్ ద్వారా పలు సేవలను సులువుగా పొందవచ్చు. అల్-రౌదా అల్-షరీఫాకు పర్మిట్లు, హరమైన్ హై-స్పీడ్ రైల్వే టిక్కెట్లను బుక్ చేసుకోవడం, నుసుక్ మ్యాప్స్‌తో నావిగేషన్ వంటి అనేక సేవలను పొందవచ్చు.