కువైట్ః కువైట్ లో మై ఐడెంటిటీ యాప్ ప్రమాదంలో పడిందా? అందులోని పర్సనల్ డేటా సురక్షితం కాదా? అని సోషల్ మీడియాలో అనేకమంది నెటిజన్లు ప్రశ్నిస్తున్నారు. ఈ వార్తలపై కువైట్ లోని పబ్లిక్ అథారిటీ ఫర్ సివిల్ ఇన్ఫర్మేషన్ (PACI) స్పందించింది. మై ఐడెంటిటీ యాప్ వినియోగదారులు జాగ్రత్తగా ఉండాలని సూచించింది. అవసరమైన వాటికే అనుమతి ఇవ్వాలని తెలిపింది. పర్సనల్ డేటా భద్రతను దృష్టిలో పెట్టుకొని అనుమతులను ఇచ్చే ముందు అన్ని వివరాలను చెక్ చేసుకోవాలని సూచించింది. పౌరులు, నివాసితులకు సంబంధించిన డిజిటల్ భద్రతను పెంచడానికి అవసరమైన అన్ని చర్యలు తీసుకుంటున్నట్లు ఒక ప్రకటనలో వెల్లడించింది.