ఏపీలోని కూటమి ప్రభుత్వం ఎన్నికల సమయంలో ఇచ్చిన ఒక్కో హామీని అమలు చేస్తోంది. తాజాగా స్త్రీ శక్తి పథకం కింద మహిళలకు ఉచిత బస్సు ప్రయాణంను ఈనెల 15వ తేదీ నుంచి అమల్లోకి తీసుకురానుంది. ఈ పథకాన్ని ముఖ్యమంత్రి చంద్రబాబు నాయుడు ప్రారంభించనున్నారు.

స్త్రీ శక్తి పథకంకు సంబంధించిన అధికారిక జీవోను రాష్ట్ర ప్రభుత్వం విడుదల చేసింది. అందులో ఈనెల 15వ తేదీ నుంచి ఉచిత బస్సు ప్రయాణం అందుబాటులోకి వస్తుందని తెలిపింది. ఇందుకు సంబంధించి గైడ్ లైన్స్‌ను విడుదల చేసింది. మహిళలకు ఏ బస్సులో ఉచిత ప్రయాణం ఉంటుంది.. ఏ బస్సుల్లో ఉచిత ప్రయాణం ఉండదు..? ఏఏ రూట్లలో ఉచిత ప్రయాణ సౌకర్యం అందుబాటులో ఉండదు.. అనే విషయాలపై క్లారిటీ ఇచ్చారు.