దక్షిణాఫ్రికా ఉద్యమ సూరీడు నెల్సన్ మండేలా జన్మదిన వేడుకలను తెలంగాణ అసోసియేషన్ ఆఫ్ సౌత్ ఆఫ్రికా (టాసా) ఆధ్వర్యంలో ఘనంగా నిర్వహించారు. రేపు (జూలై 18)న మండేలా పుట్టిన రోజు సందర్భంగా ఇవాళ థెంబిసాలోని పాఠశాలలో టాసా నిర్వహకులు సంబురాలు జరిపారు. ఈ సందర్భంగా పాఠశాలలోని విద్యార్థులకు కావాల్సిన బట్టలు, ఆహార వస్తువులు, పిల్లలు ఆడుకునేందుకు బొమ్మలను అందజేశారు. ఈమేరకు విద్యార్థులకు రెండుమూడు నెలలకు సరిపడా గ్రాసం అందజేశామని టాసా ప్రతినిధి జి.నాగరాజు తెలిపారు. ఈ కార్యక్రమములో సుబ్బారావు గారు, శ్రీనివాస్, భూమయ్య, సురేష్, నాగరాజు, వెంకటరమణ తదితరులు పాల్గొన్నారు.