జురాసిక్‌ పార్క్‌, జాస్‌, ఇండియానా జోన్స్‌ తదితర చిత్రాలతో అద్భుతాలు సృష్టించిన దర్శకుడు స్టీవెన్‌ స్పీల్‌బర్గ్‌. ఇప్పుడు మరో అద్భుతంతో ప్రేక్షకుల ముందుకు రానున్నాడు. ఆయన దర్శకత్వం వహించిన తాజా చిత్రం 'ది బీఎఫ్‌జీ' (బిగ్‌ ఫ్రెండ్లీ జెయింట్‌). జులై 29న దేశవ్యాప్తంగా ఈ చిత్రం ప్రేక్షకుల ముందుకు రానుంది. డిస్నీ, రిలయన్స్‌ ఎంటర్‌టైన్‌మెంట్‌లు సంయుక్తంగా దీనిని నిర్మించాయి.
సినిమాలో ప్రధాన పాత్రకు తెలుగులో నటుడు జగపతిబాబు వాయిస్‌ ఇచ్చారు. దీనిపై ఆయన మాట్లాడుతూ.. 'స్టీవెన్‌ స్పీల్‌బర్గ్‌ దర్శకత్వం వహించిన చిత్రంలో భాగస్వామ్యం కావడం నాకు దక్కిన గౌరవం. హిందీలో అమితాబ్‌ డబ్బింగ్‌ చెప్పిన ప్రధాన పాత్రకు తెలుగులో నేను డబ్బింగ్‌ చెప్పాను. ఈ అవకాశం నాకు కల్పించిన రిలయన్స్‌ బృందానికి ధన్యవాదలు' అని అన్నారు.