యూఏఈః ఇండియాలోని కేరళకు వెకేషన్ కోసం వెళ్లిన షార్జాకు చెందిన బిజినెస్ మ్యాన్ కిడ్నాప్ కేసులో సంచలన విషయాలు బయటికొస్తున్నాయి. తన కంపెనీకి చెందిన మాజీ ఉద్యోగే దీనికి సూత్రధారి అని కేరళ పోలీసులు వెల్లడించారు. అకారణంగా తనను ఉద్యోగం నుంచి తొలగించడంతో ఈ దురాగతానికి ఒడిగట్టాడని తెలిపారు. ఈ క్రమంలోనే షార్జా ఆధారిత ఫార్మసీ చైన్ ను నిర్వహించే వ్యాపారవేత్త కేరళలోని తన స్వస్థలమైన మాలాపురం మలేపురంకు సెలవుల కోసం వచ్చినప్పుడు కిడ్నాప్ కు ప్లాన్ చేసాడని తెలిపారు. కాగా, రెండు రోజుల తరువాత పోలీసులు అతడిని కొల్లం నుండి కిడ్నాప్ ముఠా నుంచి సురక్షితంగా రక్షించారు.  కాగా, ఈ కిడ్నాప్ కేసుకు సంబంధించి ఇంకా దర్యాప్తు జరుగుతుందని, త్వరలోనే మరిన్ని విషయాలు వెలుగులోకి వస్తాయని కేరళ పోలీసులు వెల్లడించారు.