సౌదీ అరేబియా, మిడిల్‌ ఈస్ట్‌లోని కొన్ని ప్రాంతాలు రానున్న రోజుల్లో అధిక ఉష్ణోగ్రతలతో విలవిల్లాడనున్నాయి. కొన్ని ప్రాంతాల్లో 52 డిగ్రీల సెంటీగ్రేడ్‌ని మించి ఉష్ణోగ్రతలు నమోదయ్యే అవకాశం ఉంది. మెటియరాలజికల్‌ డిపార్ట్‌మెంట్‌, ఈ మేరకు స్పష్టమైన సంకేతాలు పంపింది. వడగాల్పుల ప్రమాదం ఎక్కువగా ఉంటుందని అధికారులు పౌరుల్ని అప్రమత్తం చేస్తున్నారు. తూర్పు ప్రాంతాల్లో 46 నుంచి 48 డిగ్రీల వరకు ఉంటుందని, కువైట్‌తోపాటు ఇరాక్‌ దక్షిణ ప్రాంతాల్లో 50 డిగ్రీల పైన ఉష్ణోగ్రతలు నమోదు కానున్నాయని వారు వివరించారు. మంగళవారం నుంచి కువైట్‌లో వేడి గాలుల ప్రభావం ఎక్కువగా ఉంటుందనీ, క్రక్రమంగా సౌదీ అరేబియాలోని ఉత్తర ప్రాంతాల్లోకి ఈ గాలులు విస్తరిస్తాయని అధికారులు తెలిపారు. గురు, శుక్రవారాల్లో అత్యధిక ఉష్ణోగ్రతలు అది కూడా 52 డిగ్రీల పైన నమోదవ్వచ్చని అంచనా.