యునైటెడ్ అరబ్ ఎమిరేట్స్‌లో కీలక నగరం దుబాయ్‌లోని మరినా ఏరియాలో భారీ అగ్నిప్రమాదం జరిగింది. 75 అంతస్థుల సులఫా టవర్‌లోని స్కై స్క్రాపర్ అపార్ట్‌మెంట్‌లో ఈ ప్రమాదం చోటుచేసుకుంది. 35వ అంతస్థులో ప్రారంభమైన మంటలు క్రమంగా మిగతా అంతస్థులకు వ్యాపించాయి. దీంతో వందలాది మంది బయటకు పరుగులు తీశారు. తమ డబ్బులు, ఇతర ముఖ్యమైన సామాగ్రి అంతా గదుల్లోనే ఉండిపోయాయని బాధితులు వాపోయారు. పర్యాటకుల పరిస్థితి అయితే దారుణంగా తయారైంది. పాస్‌పోర్ట్‌లు, ఇతర కీలక ధృవపత్రాలు కూడా కాలిపోయాయని చెప్పారు. సహాయక చర్యలు కొనసాగుతున్నాయి.