యూఏఈ: బంగ్లాదేశ్ జాతీయులపై యూఏఈ వీసా నిషేధం విధించిందన్న ప్రకటన సోషల్ మీడియాలో వైరలవుతోంది. అయితే, దీని గురించి యూఏఈ ఎటువంటి ప్రకటన చేయలేదని సీనియర్ అధికారి ఒకరు తెలిపారు. సోషల్ మీడియా మరియు కొన్ని వెబ్‌సైట్‌లలో ఉన్న ఈ ప్రకటనలో వాస్తవం లేదని యూఏఈలోని బంగ్లాదేశ్ రాయబారి తారెక్ అహ్మద్ స్పష్టం చేశారు. యూఏఈ అధికారులు నిషేధానికి సంబంధించి ఎటువంటి కొత్త ఆదేశాలు జారీ చేయలేదని రాయబారి అహ్మద్ స్పష్టం చేశారు.

గ్లోబల్ మీడియా ఇన్‌సైట్ ప్రకారం, యూఏఈలో దాదాపు 0.84 మిలియన్ల బంగ్లాదేశ్ జాతీయులు నివసిస్తున్నారు. వీరు అరబ్ దేశ జనాభాలో 7.4 శాతానికి సమానం. భారతీయ మరియు పాకిస్తాన్ పౌరుల తర్వాత మూడవ అతిపెద్ద కమ్యూనిటీగా బంగ్లాదేశ్ వాసులు ఉన్నారు.