దోహా : ఖతార్ మ్యూజియంలు (QM) ప్రదర్శనలు, కార్యక్రమాల జాబితాను ప్రకటించింది. ఇవి అక్టోబర్ 23 నుండి ప్రారంభమవుతాయి. ఖతార్ మ్యూజియమ్స్ చైర్ పర్సన్ షేఖా అల్ మయాస్సా బింట్ హమద్ బిన్ ఖలీఫా అల్ థాని వివరాలను వెల్లడించారు. గత 50 సంవత్సరాల ఖతార్ సాంస్కృతిక ప్రయాణాన్ని ఎవల్యూషన్ నేషన్‌లో భాగంగా ప్రదర్శించనున్నారు.  

1975లో గల్ఫ్‌ లో చారిత్రాత్మక ప్యాలెస్‌లో ప్రారంభమైన మ్యూజియం చరిత్రను వివరించే ప్రదర్శనతోపాటు పలు రంగాలకు చెందిన చారిత్రకారుల విశేషాలను ఒకే వేదికగా తెలుసుకునే అవకాశం ఉందని ప్రకటించారు. ప్రాచీన వారసత్వ, సాంస్కృతిక చరిత్రను కండ్లకు కట్టే ప్రాజెక్టు హైలెట్ గా  నిలుస్తుందన్నారు.