దుబాయ్: డిజిటల్ చెల్లింపుల రంగంలో మరో ముందడుగు వేస్తూ దుబాయ్ డ్యూటీ ఫ్రీ (Dubai Duty Free) మిడిల్ ఈస్ట్ లోనే తొలి విమానాశ్రయ రిటైలర్‌గా http://Crypto.com Pay™ను అధికారికంగా ప్రారంభించింది. ఈ సేవ ద్వారా అర్హత కలిగిన వినియోగదారులు దుబాయ్ అంతర్జాతీయ విమానాశ్రయం (DXB),అల్ మక్తూమ్ అంతర్జాతీయ విమానాశ్రయం (AMIA)లోని డ్యూటీ ఫ్రీ స్టోర్లలోనే కాకుండా http://dubaidutyfree.com వెబ్‌సైట్‌లో కూడా క్రిప్టో ఆధారిత డిజిటల్ చెల్లింపులు చేయవచ్చు.

ఈ సేవ ద్వారా వినియోగదారులు తమ http://Crypto.com ఖాతా ద్వారా చెల్లింపును అనుమతిస్తే, లావాదేవీ భద్రంగా పూర్తై దుబాయ్ డ్యూటీ ఫ్రీకి యూఏఈ దిర్హమ్‌ల (AED) రూపంలో నేరుగా చెల్లింపు చేరుతుంది.

2025లో కుదిరిన ఒప్పందానికి కొనసాగింపు

దుబాయ్ డ్యూటీ ఫ్రీ, http://Crypto.com మధ్య 2025 జూలైలో కుదిరిన అవగాహన ఒప్పందం (MoU)లో భాగంగా ఈ సేవను అమలు చేశారు. బ్లాక్‌చైన్ ఆధారిత చెల్లింపులు, డిజిటల్ ఆవిష్కరణలను విస్తరించేందుకు ఇరు సంస్థలు కలిసి పనిచేస్తున్నాయి.

దుబాయ్ డిజిటల్ వాణిజ్య లక్ష్యాలకు బలం

దుబాయ్ డ్యూటీ ఫ్రీ మేనేజింగ్ డైరెక్టర్ రమేష్ కిదంబి మాట్లాడుతూ, http://Crypto.com Pay ప్రారంభంతో వినియోగదారులకు మరింత సౌకర్యవంతమైన, వినూత్నమైన డిజిటల్ చెల్లింపు విధానాన్ని అందిస్తున్నామని తెలిపారు. ఇది ప్రపంచ డిజిటల్ వాణిజ్య కేంద్రంగా దుబాయ్ ఎదగాలనే లక్ష్యానికి తోడ్పడుతుందని చెప్పారు.

http://Crypto.comఅధ్యక్షుడు, చీఫ్ ఆపరేటింగ్ ఆఫీసర్ ఎరిక్ అంజియాని మాట్లాడుతూ, ప్రపంచంలోనే అతిపెద్ద విమానాశ్రయ డ్యూటీ ఫ్రీ రిటైల్ బ్రాండ్లలో ఒకటైన దుబాయ్ డ్యూటీ ఫ్రీతో భాగస్వామ్యం డిజిటల్ చెల్లింపుల విస్తరణలో కీలక మైలురాయిగా నిలుస్తుందని పేర్కొన్నారు.

ఎలా పనిచేస్తుంది?

స్టోర్‌లో కొనుగోలు:
వినియోగదారు బిల్లింగ్ సమయంలో http://Crypto.com Pay™ను ఎంచుకుంటే, పాయింట్ ఆఫ్ సేల్ (POS) సిస్టమ్ ప్రత్యేక QR కోడ్ను రూపొందిస్తుంది. ఆ కోడ్‌ను http://Crypto.com యాప్‌తో స్కాన్ చేసి చెల్లింపును ఆమోదిస్తే, కొనుగోలు వెంటనే పూర్తవుతుంది.

ఆన్‌లైన్ కొనుగోలు:
దుబాయ్ డ్యూటీ ఫ్రీ వెబ్‌సైట్‌లో షాపింగ్ చేసే సమయంలో కూడాhttp://Crypto.comPay ఎంపికను ఎంచుకుని, QR కోడ్‌ను స్కాన్ చేసి చెల్లింపును పూర్తి చేయవచ్చు.

మొబైల్ యూజర్లకు సులభతరం:
మొబైల్ ద్వారా కొనుగోలు చేసే వినియోగదారులు నేరుగా http://Crypto.com యాప్‌కు వెళ్లి చెల్లింపును ఆమోదించిన తర్వాత తిరిగి దుబాయ్ డ్యూటీ ఫ్రీ ప్లాట్‌ఫామ్‌కు వచ్చి కొనుగోలును పూర్తి చేయగలరు.

క్యాష్‌లెస్ దుబాయ్ లక్ష్యానికి ఊతం

దుబాయ్ డ్యూటీ ఫ్రీ ఇప్పటికే Apple Pay, Alipay, TerraPay వంటి డిజిటల్ చెల్లింపు సేవలను అందిస్తోంది. ఇప్పుడు http://Crypto.com Pay చేరికతో డిజిటల్ చెల్లింపు వ్యవస్థ మరింత విస్తరించింది.

ఈ కొత్త సేవ దుబాయ్ ఎకనామిక్ అజెండా (D33)లో భాగమైన 'దుబాయ్ క్యాష్‌లెస్ స్ట్రాటజీ'కి బలాన్నిస్తుంది. 2026 చివరి నాటికి ప్రభుత్వ, ప్రైవేట్ రంగాల్లో జరిగే ఆర్థిక లావాదేవీల్లో 90 శాతం క్యాష్‌లెస్ విధానాన్ని అమలు చేయాలనే లక్ష్య సాధనలో ఈ చర్య కీలక అడుగుగా భావిస్తున్నారు.