కార్ల రిజిస్ట్రేషన్‌ రెన్యువల్‌ (మూడేళ్ళలోపు) కేవలం ఆన్‌లైన్‌లో ద్వారా మాత్రమే ఇక నుంచి జరుగుతుంది. ఆగస్ట్‌ 15 నుంచి ఆర్‌టిఎ సెల్ఫ్‌ సర్వీస్‌ కియోస్క్‌లో ఈ సౌకర్యాన్ని అందుబాటులోకి తెస్తున్నట్లు రోడ్స్‌ అండ్‌ ట్రాన్స్‌పోర్ట్‌ అథారిటీ వర్గాలు ఆదివారం వెల్లడించాయి. మరో రెండు సర్వీసులు ఆన్‌లైన్‌లోకి ఆగస్ట్‌ నుంచి అందుబాటులోకి రానున్నట్లు ఈ సందర్భంగా అధికారులు తెలిపారు. రీప్లేస్‌మెంట్‌ లేదా పోగొట్టుకున్న రిజిస్ట్రేషన్‌ కార్డ్‌ని తిరిగి పొందడం, అలాగే లైసెన్స్‌ ప్లేట్‌ రిటెన్షన్‌ వంటివి ఆర్‌టిఏ వెబ్‌సైట్‌ ద్వారా పొందనడానికి వీలుంది. డ్రైవర్స్‌ అండ్‌ వెహికిల్స్‌ యాప్‌, ఆర్‌టిఎ సెల్ఫ్‌ సర్వీస్‌ కియోస్క్‌ల ద్వారా ఈ సేవల్ని పొందొచ్చు. టెస్టింగ్‌ అవసరం లేని వాహనాల రిజిస్ట్రేషన్‌, పోగొట్టుకున్న రిజిస్ట్రేషన్‌ కార్డ్‌ని కొత్తగా పొందడం, నంబర్‌ రెన్యువల్‌ రిటెన్షన్‌ సర్వీస్‌ వంటివి ఆన్‌లైన్‌లో మాత్రమే జరుగుతాయనీ, అయితే దీనికిగాను వాహనాలు మూడేళ్ళ లోపు వయసున్నవి మాత్రమే అయి ఉండాలని ఆర్‌టిఎ లైసెన్సింగ్‌ ఏజెన్సీ సీఈఓ అహ్మద్‌ బహ్రూజియన్‌ చెప్పారు. ఆన్‌లైన్‌ ద్వారా సమయం వృధాని అరికట్టగలుగుతున్నామనీ, మెరుగైన సేవలు తేలిగ్గా అందరికీ అందజేయగలుగుతున్నామని ఆయన వివరించారు.