ఆంధ్రప్రదేశ్‌లో వాహనాలకు ఆన్‌లైన్‌ రిజిస్ట్రేషన్‌ విధానాన్ని రాష్ట్ర మంత్రులు శిద్దా రాఘవరావు, దేవినేని ఉమామహేశ్వరరావు, కొల్లు రవీంద్ర మంగళవారం ఉదయం విజయవాడలో ప్రారంభించారు. ఇకపై వినియోగాదారులు వాహనం కొనుగోలు చేసిన వెంటనే షోరూమ్‌లోనే ఆన్‌లైన్‌లో రిజిస్ట్రేషన్‌ చేసుకోవచ్చు. ఈ సందర్భంగా ఏర్పాటు చేసిన సమావేశంలో మంత్రి ఉమా మాట్లాడుతూ.. ఆన్‌లైన్‌ విధానం వల్ల అవినీతి తగ్గుతుందన్నారు. వాహనదారులకు శాశ్వత నంబరు కేటాయింపు 75 రోజుల నుంచి ఒక్కరోజుకు తగ్గుతుందన్నారు. వాహనదారులకు నాలుగు రోజుల్లో హై సెక్యూరిటీ కేటాయింపు జరుగుతుందని వెల్లడించారు.